Согтууруулах ундаагаар үйлчилдэг газруудын ажиллах цагийг 00:00 болголоо

Нийслэлийн Засаг даргын захирамжаар архи согтууруулах ундаагаар үйлчилдэг байгууллагын ажиллах цагийн хуваарийг 07:00-00:00 цаг болтол сунгахаар боллоо. Уг шийдвэр тавдугаар сарын 31-нийг хүртэл хүчинтэй аж.

Коронавирусын халдвараас урьдчилсан сэргийлэх зорилгоор нэгдүгээр сараас эхлэн УОК болон Нийслэлийн Онцгой комиссоос шийдвэр гаргасны дагуу ресторан пабын ажиллах цагийг 22:00 цаг болгосон төдийгүй архи худалдах зөвшөөрөлтэй хүнсний дэлгүүрүүдийн үйл ажиллагааг ч хязгаарласан билээ.

Харин уг захирамж дөрөвдүгээр сарын 30-наар дуусгавар болсон тул Нийслэлийн Засаг дарга дахин захирамж гаргажээ.