Хөл хорионы үеэр үдэшлэг хийсэн этгээдүүдийг бууджээ

 Хөл хорионы үеэр үдэшлэг хийсэн этгээдүүдийг бууджээ



АНУ-ын Калифорни мужид коронавирусийн халдвараас сэргийлж хорио цээрийн дэглэм хэрэгжүүлж хөл хорио тогтоогоод байгаа ч мужийн захиргааны шийдвэрийг үл тоомсорлон гэртээ томоохон хэмжээний үдэшлэг зохион байгуулсан хэрэг гарчээ. Орон нутгийн цагаар өнгөрсөн баасан гарагт Бэйкерсфийлдэд хийсэн үдэшлэгийн үеэр буун дуу гарч, зургаан хүн бууны суманд өртсөн болохыг мужийн цагдаагийн газраас мэдэгдээд байна.

Буудуулсан дөрвөн эмэгтэй, нэг эрэгтэй, насанд хүрээгүй өсвөр насны охин шархадсан бөгөөд амь насанд нь аюулгүй өнгөрчээ. Одоогоор сэжигтнүүдийг барьж саатуулаагүй ч үдэшлэг хийж байсан орон сууцны гаднаас автомашинтай дөрвөн хүн зугтаж байхыг гэрчүүд харсан байна. Хэргийн мөрдөн шалгах ажил үргэлжилж байгаа ажээ.

Калифорни муж нь коронавирусийн халдвараар тэргүүлж буй Америкийн томоохон мужуудын нэг бөгөөд өнгөрсөн долоо хоногийн байдлаар 20,000 гаруй хүн халдварлаж, 700 орчим иргэн нас баржээ. Мужийн захирагч Гэвин Ньюсомын хэлснээр иргэд хүнсний дэлгүүр, эмийн сан орохоос гадна нохойгоо салхилуулах, дасгал хийхээс бусад шалтгаанаар гэрээсээ гарахгүй байхыг уриалсан юм.

Холбоотой мэдээ

Leave a Reply

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн