АНУ-д Covid-19 өвчнөөр нас барсан хүний тоо 16,000 давлаа

 АНУ-д Covid-19 өвчнөөр нас барсан хүний тоо 16,000 давлаа

АНУ-д нийт эндэгдлийн тоо 16,000-ыг давсан нь дэлхийд зөвхөн Италийн дараа орох муу үзүүлэлт болж байна.

Нью Йорк мужид коронавирусийн тахал дэгдсэн цагаас хойш нийт 7,067 хүн нас бараад байгаа нь АНУ-д хамгийн дээгүүр орох үзүүлэлт юм.

Өчигдөр АНУ-ын засаг захиргаа сүүлийн долоо хоногийн хугацаанд ажилгүй болсон хүмүүсийн тоог гаргасан юм. Өнгөрсөн долоо хоногт 6.6 сая Америк хүн цар тахлын улмаас ажилгүй болжээ. Өмнөх хоёр долоо хоногийн тоотой нэгтгэвэл хямрал эхэлсэн цагаас хойш нийтдээ 16.8 сая хүн ажилгүй болоод байна.

Өчигдөр бас Пентагоны удирдлага АНУ-ын тэнгисийн флотын хөлгүүд дээр коронавирусийн тахал дэгдэх магадлал өндөр байгааг мэдээлсэн юм.

Тус хөлгийн 1,164 усан цэрэг шинжилгээнийхээ хариуг хүлээж байгаа гэнэ. “Theodore Roosevelt хөлөг дээр гарсан халдварыг цорын ганц тохиолдол гэж бодохгүй байна. Манай олон хөлөг далайд байгаа. Дахин ийм эрсдэл үүсэх магадлал өндөр байна” гэж Пентагоны төлөөлөгч, генерал Жон Хайтен мэдэгдсэн байна.

Сүүлийн байдлаар дэлхий дахинд Covid-19 өвчний халдварын 1,581,019 тохиолдол бүртгэгдэж, 94,572 өвчтөн нас баржээ.

Холбоотой мэдээ

Leave a Reply

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн