Шатахууны үнэд хөнгөлөлт үзүүлэх болон төлбөрийн нөхцөлийн талаар “Роснефть” компани ойрын хугацаанд хариу өгөхөө мэдэгджээ

 Шатахууны үнэд хөнгөлөлт үзүүлэх болон төлбөрийн нөхцөлийн талаар “Роснефть” компани ойрын хугацаанд хариу өгөхөө мэдэгджээ

Уул уурхай, хүнд үйлдвэрийн дэд сайд О.Батнайрамдал ОХУ-д ажиллаж байна.

Тэрбээр ОХУ-ын Аж үйлдвэр, худалдааны орлогч сайд А.В.Груздевтэй Москва хотноо 2022 оны дөрөвдүгээр сарын 27-ны өдөр уулзаж, манай улсын уул уурхайн үйлдвэрлэлд нэн шаардлагатай бүтээгдэхүүнүүдийг гуравдагч улсаас ОХУ-ын нутаг дэвсгэрээр дамжуулан тээвэрлэхэд гарч болзошгүй хүндрэлийг шуурхай шийдвэрлэхэд шууд харилцан хамтран ажиллаж байхаар тохирлоо.

ОХУ-ын Аж үйлдвэр, худалдааны орлогч сайд Уул уурхай, хүнд үйлдвэрийн дэд сайдыг Екатеринбург хотноо ирэх 7 дугаар сарын 4-7-ны өдрүүдэд болох олон улсын аж үйлдвэрийн “ИННОПРОМ” XII үзэсгэлэнд урьж, тус арга хэмжээнд Монголын аж ахуйн нэгжүүдийн өргөн төлөөлөл оролцуулахыг хүсэлт болгов.Дэд сайд Монгол Улсын газрын тосны бүтээгдэхүүн импортлогчдын төлөөлөгчдийн хамт “Роснефть” компанийн удирдлагуудтай 4 дүгээр сарын 28-ны өдөр уулзаж, ОХУ-аас Монголд нийлүүлэх түлш, шатахууны үнэд хөнгөлөлт үзүүлэх боломж, түүнчлэн түлш, шатахууны төлбөрийг хийх нөхцөлийн талаар санал солилцлоо. Уулзалтын үеэр Монголын талаас дэвшүүлсэн тодорхой саналуудыг “Роснефть” компани судалж, ойрын хугацаанд хариу өгөхөө мэдэгджээ.

Холбоотой мэдээ

Leave a Reply

Your email address will not be published.