Өнгөрөгч амралтын өдрүүдэд зам тээврийн ослын улмаас гурван хүний амь хохирчээ

 Өнгөрөгч амралтын өдрүүдэд зам тээврийн ослын улмаас гурван хүний амь хохирчээ

Тээврийн цагдаагийн албаны жижүүрийн шуурхай удирдлагын хэлтэст өнгөрөгч амралтын өдрүүдэд зам тээврийн ослын шинжтэй 410 дуудлага бүртгэгджээ.

Бүртгэгдсэн зам тээврийн ослын улмаас 14 хүн гэмтэж бэртсэний найм нь нийслэлд, зургаа нь орон нутагт бүртгэгдсэн байна. Ноцтой зам тээврийн ослын улмаас нийслэлд нэг, орон нутагт хоёр хүний амь хохирсон байна.

Хүн гэмтсэн ослыг хэлбэрээр нь авч үзвэл:

Нийслэлд:

• Явган зорчигч мөргөх хэлбэрээр 3 осол бүртгэгдэж,3 Хүн гэмтсэн

• Мөргөлдөх хэлбэрээр 2 осол бүртгэгдэж, 4 хүн гэмтсэн

• Үл хөдлөх зүйл мөргөх хэлбэрээр 1 осол бүртгэгдэж, 1 хүний амь хохирсон

• Унадаг дугуйтай зорчигчтой мөргөлдөх хэлбэрээр 1 осол бүртгэгдэж, 1 хүн гэмтсэн

Орон нутагт:

• Онхолдох хэлбэрээр 2 осол бүртгэгдэж, 1хүн гэмтэж, 1хүний амь хохирсон

• Мөргөлдөх хэлбэрээр 1осол бүртгэгдэж, 5 хүн гэмтэж , 1 хүний амь хохирсон

• Амралтын өдрүүдэд хүүхэд өртсөн 2осол бүртгэгдэж, 4 хүүхэд гэмтсэн байна

Эцэг эхчүүд та бүхэн хүүхдэдээ тавих хараа хяналтыг сайжруулах 10 хүртэлх насны хүүхдийг бие даан хөдөлгөөнд оролцуулахгүй байхыг анхааруулж байна. Явган зорчигч нь 10 хүртэлх насны хүүхэдтэй замын хөдөлгөөнд оролцохдоо өөрөөсөө салгахгүй хөтлөх, тэврэх, үүрэх, хүүхдийн тэргэнд түрэх гэх мэт авч явахаар заасан байдаг тул эцэг , эх , асран хамгаалагч та бүхэн хүүхдийнхээ аюулгүй байдлыг хангаж хөдөлгөөнд оролцоно уу.

Хүүхдийг тээврийн хэрэгсэлд авч явахдаа аюулгүй байдлыг хангах, хүүхдийн зориулалтын суудалд тээвэрлэх, зориулалтын суудалгүй тохиолдолд суудлын бүсийг зүүж хэрэглэхийг хэвшүүлэхийг цагдаагийн байгууллагаас та бүхэнд зөвлөж байна.

Гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 279 зөрчил бүртгэгдсэний нийслэлд 240, орон нутагт 39 зөрчил тус тус илрүүлж, учирч болох эрсдэлээс урьдчилан сэргийлэн ажилласан байна.

Архи согтууруулах ундааны төрлийн зүйл хэрэглэсэн бол тээврийн хэрэгсэл жолоодохгүй байхыг цагдаагийн байгууллагаас анхааруулж байна.

Холбоотой мэдээ

Leave a Reply

Your email address will not be published.