Хөвсгөлд ойрын хавьтал 6 хүний шинжилгээний хариу эерэг гарчээ

 Хөвсгөлд ойрын хавьтал 6 хүний шинжилгээний хариу эерэг гарчээ

Хөвсгөл аймгийн Цэцэрлэг суманд бүртгэгдсэн Covid-19-ийн сэжигтэй тохиолдлын ойрын хавьтал зургаан хүний PCR шинжилгээний хариу эерэг гарчээ. Шинжилгээг Хөвсгөл аймагт анх удаа хийж байгаа тул хариуг баталгаажуулахаар Орхон аймгийн бүсийн оношилгооны төвд өчигдөр хүргүүлсэн байна. Эцсийн хариу нь өнөөдөр /2021.03.17/ гарах талаар Хөвсгөл аймгийн Эрүүл мэндийн газраас мэдээллээ.

Хөвсгөл аймгийн шуурхай Штабын дарга М.Хуягбаатар мэдээлэхдээ “Зургаан хоногийн өмнө Улаанбаатар хотоос Завханы Согоотын чиглэлээр Цэцэрлэг суманд орж ирсэн хүнс тээврийн автомашины жолоочоос зургаа дахь хоногт нь түргэвчилсэн оношлуураар шинжилгээ авахад хариу нь эерэг гарсан. Түүний ойрын хавьтал болох гэр бүлийн хоёр хүнээс нь түргэвчилсэн оношлуураар шинжилгээ авахад авахад хариу нь эерэг гарсан” гэсэн юм.

Мөн тус аймгийн Мөрөн, Цэцэрлэг сумын бүх шатны сургалтын үйл ажиллагааг гуравдугаар сарын 16-18-ны өдрийн 06.00 цаг хүртэл түр хугацаанд хязгаарлах шийдвэр гаргажээ.

Холбоотой мэдээ

Leave a Reply

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн